Кітай прадаставіў ЛАД вакцыны ад COVID-19
Кітай у чацвер прадаставіў партыю вакцын ад COVID-19 вытворчасці Sinopharm генеральнаму сакратарыяту Лігі арабскіх дзяржаў / ЛАД / у Каіры. Пра гэта паведаміла пасольства КНР у Егіпце.
"Гэта яркае ўвасабленне кітайска-арабскай супольнасці здароўя і дабрабыту і вяха, якая адзначае чарговы важны крок на шляху пабудовы кітайска-арабскай супольнасці з адзіным лёсам", - цытуюцца ў заяве словы пасла КНР у Егіпце Ляа Ліцяна.
"Як бы ні змянялася міжнародная сітуацыя, Кітай і арабскія краіны заўсёды будуць добрымі сябрамі, якія аб'ядноўваюцца і супрацоўнічаюць, каб разам пераадолець цяжкасці", - падкрэсліў дыпламат, дадаўшы, што Пекін гатовы сумесна з арабскімі дзяржавамі падтрымліваць дух салідарнасці і выступаць за мір.
Памочнік генеральнага сакратара ЛАД Хусам Закі на цырымоніі перадачы вакцын падзякаваў КНР за медыцынскую дапамогу арганізацыі. "Арабскія краіны гатовыя падтрымліваць доўгатэрміновыя адносіны дружбы і супрацоўніцтва з Кітаем і выводзіць арабска-кітайскае стратэгічнае партнёрства на больш высокі ўзровень", - заявіў ён.
Раней КНР прадаставіла ЛАД дзве партыі медыцынскіх сродкаў. Акрамя таго, Кітай эфектыўна супрацоўнічае ў сферы вакцынацыі з шэрагам арабскіх краін, уключаючы ААЭ, Егіпет і Марока.