Лі Кэцян выступіў з дакладам аб рабоце ўрада на адкрыцці 4-й сесіі УСНП 13-га склікання

5 сакавіка ў Доме народных сходаў у Пекіне адкрылася 4-я сесія Усекітайскага сходу народных прадстаўнікоў (УСНП) 13-га склікання. На адкрыцці сесіі прысутнічалі Старшыня КНР Сі Цзіньпін і іншыя партыйныя і дзяржаўныя кіраўнікі. Прэм'ер Дзяржсавета КНР Лі Кэцян на адкрыцці мерапрыемства ад імя Дзяржсавета КНР прадставіў на разгляд 4-й сесіі УСНП 13-га склікання даклад аб рабоце ўрада.

Лі Кэцзян адзначыў складаныя ўмовы, з якімі краіна сутыкнулася ў 2020 годзе ў сувязі з пандэміяй каронавіруса. "Мінулы год быў незвычайным годам у гісторыі Новага Кітая. Перад тварам эпідэміі COVID-19, якая раптоўна ўзнікла, а таксама глыбокага спаду ў сусветнай эканоміцы і шэрагу іншых сур'ёзных выклікаў, шматнацыянальны народ Кітая пад цвёрдым кіраўніцтвам ЦК КПК, ядром якога з'яўляецца таварыш Сі Цзіньпін, вёў ўпартую барацьбу і працу. У выніку Кітаю ўдалося дасягнуць велізарных стратэгічных поспехаў у стрымліванні эпідэміі, стаць адзінай у свеце вядучай эканомікай са станоўчай дынамікай эканамічнага росту, атрымаць поўную перамогу ў інтэнсіўнай барацьбе з беднасцю, дасягнуць вырашальных поспехаў у поўнай пабудове сярэднезаможнага грамадства, атрымаць вынікі, адобраныя народам, прыкаваць увагу ўсяго свету і годна ўвайсці ў гісторыю ", - адзначыў Лі Кэцян.

Па словах прэм'ера, намечаныя на 2020 год асноўныя мэты і задачы былі ўвогуле і ў цэлым паспяхова выкананы. Ажыццёўлены новыя значныя зрухі ў правядзенні рэформаў, пашырэнні адкрытасці і сацыялістычнай мадэрнізацыі. Аб'ём ВУП у 2020 годзе павялічыўся на 2,3%, назапашаны новы вопыт у сферы макраэканамічнага рэгулявання, пры разумных выдатках былі дасягнуты вялікія вынікі. Прырост працаўладкаванага насельніцтва ў гарадах і мястэчках склаў 11,86 млн чалавек, узровень беспрацоўя ў гарадах і мястэчках, разлічаны на аснове выбарачных даследаванняў у маштабах краіны, да канца 2020 года знізіўся да 5,2%.

Вынікі інтэнсіўнай ліквідацыі беднасці прыцягваюць увагу шырокай сусветнай грамадскасці. Па стане на пачатак 2020 года 5,51 млн сельскіх жыхароў Кітая, якія знаходзіліся за мяжой беднасці, былі цалкам вызваленыя ад галечы, з усіх 52 неразвітых паветаў быў зняты «ярлык беднасці». У прыватнасці, звыш 9,6 млн малазабяспечаных людзей, якія стаяць на ўліку, былі пераселены з бедных раёнаў з суровымі жыццёвымі ўмовамі ў больш спрыяльныя і камфортныя раёны. Татальная галеча ў маштабах асобных раёнаў была пераадоленая, зробленая найскладанейшая задача па ліквідацыі абсалютнай беднасці.

«За апошнія 5 гадоў мы дамагліся новых гістарычных поспехаў у сацыяльна-эканамічным развіцці. Эканоміка функцыянавала ў цэлым стабільна, эканамічная структура пастаянна аптымізавалася, агульны аб'ём ВУП павялічыўся з менш за 70 трлн юаняў да больш чым 100 трлн юаняў», - падкрэсліў Лі Кэцян. Ён таксама адзначыў, што ў краіне дасягнуты значныя поспехі ў стварэнні дзяржавы інавацыйнага тыпу, атрыманы цэлы шэраг важнейшых навукова-тэхнічных дасягненняў у такіх галінах, як кіраваная касманаўтыка, зандаванне Месяца, глыбакаводныя праекты, суперкамп'ютэры, квантавая інфармацыя і вылічэнні і г.д..

Паводле слоў прэм'ера, у краіне ўпэўнена прасоўваецца мадэрнізацыя сельскай гаспадаркі. Была паспяхова дасягнута мэта афармлення гарадской прапіскі для 100 млн мігруючага сельскага насельніцтва і іншых катэгорый грамадзян, якія пастаянна пражываюць у гарадах, былі рэканструяваны больш за 21 млн кватэр у барачных кварталах у гарадах і мястэчках.

У дакладзе Лі Кэцян асабліва адзначыў, што ў краіне бесперапынна вядзецца барацьба за сіняе неба, смарагдавыя воды і чыстую зямлю, былі выкананы прамежкавыя мэты і задачы па прадухіленні і ліквідацыі забруджвання навакольнага асяроддзя.

На бягучы год запланаваны наступныя асноўныя паказчыкі сацыяльна-эканамічнага развіцця: рост ВУП перавысіць 6%, у гарадах і мястэчках будзе створана больш за 11 млн новых працоўных месцаў, узровень беспрацоўя, разлічаны на аснове выбарачных даследаванняў, утрымаецца прыкладна на ўзроўні 5,5%, рост індэкса спажывецкіх цэн мяркуецца прыкладна на ўзроўні 3%. Аб'ём імпарту і экспарту будзе заставацца стабільным пры адначасовым павышэнні іх якасці, у асноўным захаваецца збалансаванасць міжнародных плацяжоў. Упэўнена вырастуць рэальна наяўныя даходы насельніцтва. Адбудзецца далейшае паляпшэнне экалагічнай сітуацыі, энергаёмістасць ВУП знізіцца прыкладна на 3%, працягнецца скарачэнне сумарных выкідаў асноўных відаў забруджвальных рэчываў. Збор збожжавых захаваецца на ўзроўні больш 650 млн тон, - адзначыў прэм'ер Дзяржсавета КНР Лі Кэцян у дакладзе аб рабоце ўрада, прадстаўленым на разгляд 4-й сесіі УСНП 13-га склікання.