12-я Кітайская канферэнцыя па спадарожнікавай навігацыі пройдзе ў траўні

12-я Кітайская канферэнцыя па спадарожнікавай навігацыі /CSNC-2021/ пройдзе ў траўні ў горадзе Наньчан правінцыі Цзянсу. Яе тэмай стануць прасторава-часавыя даныя, паведаміла ўпраўленне па кіраванні сістэмай спадарожнікавай навігацыі Кітая 9 сакавіка.

Як паведамляецца, CSNC-2021 засяродзіцца на самых апошніх дасягненнях навігацыйнай спадарожнікавай сістэмы "Бэйдоу" ў сферы тэхналагічнага і індустрыяльнага выкарыстання, а таксама тэндэнцыях развіцця глабальных навігацыйных спадарожнікавых сістэм /GNSS/.

На мерапрыемства будуць запрошаныя як айчынныя, так і замежныя вядучыя эксперты і галіновыя інсайдары ў сектары GNSS. Яны будуць абменьвацца меркаваннямі па актуальных тэмах і вывучаць прарывы ў галіне індустрыяльнага выкарыстання.

Пачынаючы з 2010 года, штогадовая канферэнцыя па спадарожнікавай навігацыі адыграла ключавую ролю ў стымуляванні тэхналагічных прарываў і падтрыманні будаўніцтва і прымянення навігацыйнай спадарожнікавай сістэмы "Бэйдоу", а таксама ў павышэнні яе канкурэнтаздольнасці.

31 ліпеня 2020 года Кітай афіцыйна ўвёў у эксплуатацыю спадарожнікавую навігацыйную сістэму "Бэйдоу-3", даўшы доступ да паслуг сістэмы глабальным карыстальнікам.

Нароўні з паслугамі пазіцыянавання, навігацыі і сінхранізацыі часу сістэма "Бэйдоу-3" здольная прадастаўляць розныя дадатковыя паслугі, у тым ліку дапамогу ў міжнародных пошукава-выратавальных аперацыях, перадачу кароткіх паведамленняў, функцыянальны дадатак наземнага і спадарожнікавага базавання, а таксама дакладнае пазіцыянаванне.