МЗС КНР: Праект «Пояс і шлях» стаў міжнародным грамадскім здабыткам і найбуйнейшай платформай супрацоўніцтва

Кітайская ініцыятыва інтэграцыйнага развіцця «Адзін пояс і адзін шлях» стала міжнародным грамадскім здабыткам і найбуйнейшай платформай супрацоўніцтва. Пра гэта 27 красавіка на чарговай ведамаснай прэс-канферэнцыі заявіў афіцыйны прадстаўнік МЗС КНР Ван Вэньбінь.

Паводле яго слоў, Кітай падпісаў са 140 краінамі і 31 міжнароднай арганізацыяй больш за 200 дакументаў аб супрацоўніцтве ў рамках «Аднаго пояса і аднаго шляху». У першым квартале гэтага года аб'ём прамых нефінансавых інвестыцый Кітая ў краіны, размешчаныя ўздоўж «Аднаго пояса і аднаго шляху», павялічыўся на 5,2% у параўнанні з аналагічным перыядам мінулага года. Дасягнення сумеснай рэалізацыі ініцыятывы інтэграцыйнага развіцця «Адзін пояс і адзін шлях» на фоне пандэміі каронавіруса значна садзейнічалі аднаўленню сусветнай эканомікі.

Кітай мае намер сумесна з рознымі зацікаўленымі бакамі і ў далейшым актыўна прасоўваць будаўніцтва «Аднаго пояса і аднаго шляху», каб стымуляваць росквіт і развіццё краін, размешчаных уздоўж «Пояса і шляху», - рэзюмаваў дыпламат.