Улады Кітая паведамілі аб паўсюдным паляпшэнні стану навакольнага асяроддзя

За апошнія некалькі гадоў Кітай дамогся паўсюднага паляпшэння экалагічнага асяроддзя на фоне актывізацыі намаганняў краіны па садзейнічанні "зялёнаму" развіццю.

У мінулым годзе доля дзён з добрай якасцю паветра ў 337 гарадах акруговага ўзроўню і вышэй склала 87 5%, што на 5,8 п.п. больш у параўнанні з паказчыкам 2015 года, заявіў міністр экалогіі і навакольнага асяроддзя КНР Хуан Жуньцю 18 жніўня.

У 2020 годзе ў кітайскай сталіцы, дзе забруджванне паветра з'яўляецца важным прадметам турботы грамадскасці,сярэдні ўзровень канцэнтрацыі ўзважаных часціц PM2, 5 у паветры склаў 38 мкг на кубаметр, што на 52,9% менш у параўнанні з узроўнем 2015 года, сказаў міністр на прэс-канферэнцыі, праведзенай прэс-канцылярыяй Дзяржсавета КНР.

Якасць вады таксама істотна палепшылася: доля паверхневых вод добрай якасці павялічылася з 66 % у 2015 годзе да 83,4% у 2020 годзе.

У той жа час доля паверхневых вод з якасцю ніжэй за 5-ы ўзровень, што адпавядае самаму нізкаму ўзроўню ў пяціўзроўневай сістэме ацэнкі, упала да 0,6% з 9,7% у 2015 годзе.

У 2020 годзе выкіды вуглякіслага газу на адзінку ВУП у Кітаі ўпалі на 18,8% у параўнанні з 2015 годам.

Улады Кітая абвясцілі, што краіна мае намер выйсці на пік па вугляродных выкідаў да 2030 года, а да 2060-га дасягнуць вугляроднай нейтральнасці.