Сі Цзіньпін: неабходна ісці па шляху нізкавугляроднага развіцця энергетычнай галіны

Генеральны сакратар ЦК КПК Сі Цзіньпін падкрэсліў неабходнасць прыкласці намаганні па развіцці энергетычнай галіны краіны, адзначыўшы, што такое развіццё павінна ісці па нізкавугляродным шляху.

Сі Цзіньпін зрабіў гэтую заяву ў панядзелак падчас наведвання хімічнай кампаніі, якая ўваходзіць у склад Кітайскай энергетычнай інвестыцыйнай карпарацыі, у горадзе Юйлінь правінцыі Шэньсі на паўночным захадзе Кітая.

Паводле яго слоў, энергетычная галіна павінна працягваць развівацца, а развіццё вугальнай энергетыкі павінна быць пераўтворана і мадэрнізавана і пастаўлена на шлях нізкавугляроднага развіцця. Гэта дасць магчымасць не толькі не перавысіць межы рэсурсаў, энерганосьбітаў і навакольнага асяроддзя, але і ажыццявіць мэты па дасягненні піка выкідаў вуглякіслага газу і вугляроднай нейтральнасці, падкрэсліў ён.

"Гэта таксама дапаможа нам выканаць патрабаванні па пабудове супольнасці адзінага лёсу чалавецтва і як след паклапаціцца аб нашым агульным доме — планеце Зямля", — дадаў Сі Цзіньпін.