Дроны выкарыстоўваюць для маніторынгу папуляцыі рэдкіх жывёл

Упраўленне стыхійнымі бедствамі, пошук і выратаванне, дакладнае земляробства, будаўнічыя пляцоўкі і памежны патруль - вось далёка не поўны пералік тых галін, дзе знайшлі прымяненне беспілотныя лятальныя апараты. Усё часцей дроны выкарыстоўваюцца для маніторынгу стану запаведнікаў, колькасці рэдкіх відаў жывёл.

Вялікая панда - самая любімая жывёла ў Кітаі, але разам з тым і самая гультаяватая. Мядзведзі не разгульваюць па лесе, прытрымліваючыся асяродку пражывання, і шанец сустрэць іх у дзікай прыродзе сапраўды малы. Да нядаўняга часу гэта была вялікая праблема для заолагаў і рэйнджараў, якія займаюцца аховай і ўлікам рэдкіх млекакормячых.

Рэйнджар на станцыі аховы Дуцзян’янь Го Аньжань адзначыў: "Мы вымушаныя пераадольваць вялікія адлегласці ў горным лесе. Машыны тут не могуць праехаць, -- так што проста пойдзем пешшу".

Для маніторынгу пажарнай абстаноўкі або стрымання браканьерскай дзейнасці рэйнджары здзяйснялі пешыя рэйды яшчэ ў нядаўнім мінулым. Цяпер гэтую працу за іх выконваюць беспілотнікі. Прайшоў той час, калі GPS было выключнай прэрагатывай навігатараў. Цяпер прыёмнік можа быць і ў сістэме відэаназірання, і ў фотаапараце і ў тэлефоне. Новыя прыкладанні загружаюць вынікі даследаванняў прама ў базу даных.

Менавіта гэтую тэму абмеркавалі на адным з мерапрыемстваў ад Huawei на гэтым тыдні. Кампанія сабрала экспертаў у галіне маніторынгу дзікай прыроды для таго, каб пацікавіцца, як тэхналогіі змянілі іх жыццё. Ахімса Кампас-Арсейс успамінае, як яму самому прыходзілася праходзіць сотні кіламетраў пешшу па бездарожжы.

Навуковы супрацоўнік Даследчага цэнтра Кітайскай акадэміі навук Ахімса Кампас-Арсейс сказаў: "Я пачынаў працаваць з картамі, калі ў нас яшчэ не было дыстанцыйнага зандзіравання, і мы не выкарыстоўвалі спадарожнікі. Так што я быў картографам яшчэ ў канцы 90-х".

Цяпер Ахімса марнуе значна менш часу на збор даных, і больш на чыстыя навуковыя даследаванні.

Паводле афіцыйнай інфармацыі, лідыруючай краінай па вытворчасці і выкарыстанні дронаў у апошні час стаў Кітай, які актыўна інвесціруе ў тэхналогіі для беспілотнікаў. Бо за імі будучыня. Між тым, ужо сёння яны ператварыліся ў галоўную зброю ў барацьбе за захаванасць прыроды ў руках навукоўцаў, заолагаў, егераў і абаронцаў жывёл.