Медыякарпарацыя Кітая адкрывае "Алімпійскі тэлеканал"

Мільёны балельшчыкаў зараз змогуць сачыць за спаборніцтвамі спартсменаў у звышвысокім раздзяленні. У Кітаі пачынае работу спадарожнікавы "Алімпійскі тэлеканал". Разам са спартсменамі свае дасягненні дэманструе кітайскае тэлевяшчанне.

Прытрымліваючыся алімпійскага дэвізу, Медыякарпарацыя Кітая хутчэй за ўсіх у свеце запусціла кругласутачны спартыўны тэлеканал у фармаце 4-КА Ультра Эйч-Дзі. Ён будзе транслявацца праз спадарожнік - адкрытым спосабам, у інтэрнэце, а таксама на лічбавых платформах і ў мабільных дадатках. У дзве тысячы восьмым годзе роля асвятлення летняй Алімпіяды адводзілася CCTV-5, праз 14 гадоў, дзякуючы новым тэхналогіям, балельшчыкі змогуць глядзець Алімпійскія і Паралімпійскія гульні ў высокай якасці, у любы час і любым месцы. Па словах старшыні Медыякарпарпцыі Кітая Шэнь Хайсюна, новая платформа заклікана далучыць мільёны заўзятараў да момантаў трыўмфальных перамог на галоўнай спартовай падзеі дзве тысячы дваццаць другога года.