Супрацьэпідымічныя абмежаванні павысілі папулярнасць міні-складскіх паслуг у Кітаі

Пандэмія ўдыхнула другое жыццё ў сектар міні-складскіх паслуг. Камеры захоўвання на калектыўных складах першапачаткова больш выкарыстоўвалі студэнты з-за недахопу прасторы ў кітайскіх інтэрнатах. У апошні год іх месца занялі малыя і мікрапрадпрыемствы, якія чакалі супрацьэпідэмічныя абмежаванні. Пра перспектывы новага бізнесу мы даведаліся з Шанхая.

Якога памеру склад патрэбны кампаніі, якая прадае цацкі праз вендынгавыя машыны? Адказ - дастаткова звычайнай кладоўкі. Дзін Вэньцзюнь заходзіць сюды тройчы на тыдзень, каб падрыхтаваць апараты ў знакамітым шанхайскім гандлёвым раёне Хуцзяхуэй.

Карыстальнік самаабслугоўваемага міні-склада кампаніі па вендынгавым продажы цацак "1983 Toys" Дзін Вэньцзюнь адзначыў: "Я, у асноўным, папаўняю машыны па панядзелках, аўторках і пятніцах. 20 каробак звычайна дастаткова. У дні, калі ў нас ідзе ўсталёўка новых апаратаў, мне можа спатрэбіцца да 50 скрынак. Я проста бяру торбу і іду".

Праблема ў тым, што кладоўка ёсць далёка не ў кожным офісе. Асабліва, калі гаворка ідзе аб малым або мікрабізнесе.

Рэгіянальны дырэктар кампаніі па вендынгавым продажы цацак "1983 Toys" Ху Сыцзюнь сказаў: "Наша штаб-кватэра - у правінцыі Фуцзянь. Лагістыка была б рэальнай праблемай, калі б мы наўпрост дастаўлялі цацкі адтуль. Гэты маленькі пакойчык - добры перавалачны пункт. Гэтага дастаткова, каб забяспечыць нашы 40 кропак у горадзе".

Мікрасклад кампаніі "1983 Toys" – гэта камера захоўвання шанхайскага сэрвісу "Anton Self Storage". У гэтым будынку іх больш за сотню. Па суседстве захоўвае рэквізіт арганізатар дзіцячых заняткаў Андрэа Грыгарэску.

Яна сказала: "Наша праблема ў тым, што ў нас шмат розных прадметаў. Мы ніколі не ведаем, што канкрэтна спатрэбіцца, асабліва для заняткаў па навуцы. Нам трэба багата рэчаў, і ў нас няма месца. Гэты склад, на самой справе, вельмі блізка да офіса, мы проста пераходзім праз вуліцу, каб узяць усё, што трэба".

Першыя міні-складскія сервісы ў Шанхаі з'явіліся яшчэ 10 гадоў таму. Пандэмія, якая пачалася летась, ператварыла іх у прытулак для малога бізнесу, які чакаў хвалю каранцінаў. Камеры на калектыўным складзе -- самага рознага памеру, сярэдні месячны плацёж вылічаецца дзясяткамі долараў.

Дырэктар кампаніі міні-складскіх паслуг "Anton Self Storage" у Шанхаі Лі Сінь адзначыў: "Гэтае месца - як дадатак да іх дома або офісу. Некаторыя прадаўцы на Таабаа не могуць складзіраваць усё ў сваёй кватэры, таму яны выкарыстоўваюць гэтую прастору ў якасці перавалачнага пункта".

Выдаткі на ўтрыманне падобнага бізнесу пры гэтым -- немаленькія. Аператарам такога склада неабходна забяспечыць кругласутачны доступ, прымальныя ўмовы захоўвання і ахову. Цяпер яны выконваюць ролю знешняга лагістычнага аддзела, але, па словах экспертаў, для павышэння ўстойлівасці бізнес-мадэлі, трэба рухацца далей.

Партнёр германскай кансалтынгавай кампаніі "Roland Berger" Лі Лэй сказаў: "Развіваючыся, яны могуць пашырацца за межы складскіх паслуг у іншыя сектары. Некаторыя мікракампаніі месяцамі захоўваюць сталы, прынтэры, картрыджы, дэкаратыўныя матэрыялы. Яны маглі б разгледзець магчымасць выкупу гэтых матэрыялаў для перадачы ў арэнду кліентам, якія маюць у іх патрэбу".

Асноўныя кліенты такіх сэрвісаў - прадаўцы пляцовак электроннага гандлю, арганізатары выстаў, вяселляў і спецыяльных падзей. У іх -- шмат агульнага з пункту гледжання патрэб і запатрабаванняў. Калі кампаніі міні-складскіх паслуг змогуць іх задаволіць, гэта павысіць рэнтабельнасць бізнесу.