У Х'юстане адбылося ўрачыстае мерапрыемства, прысвечанае 50-годдзю "дыпламатыі пінг-понга"

Кітай і ЗША адзначылі 50-годдзе ўстанаўлення так званай "дыпламатыі пінг-понга". Так гісторыкі і палітолагі называюць перыяд нармалізацыі кітайска-амерыканскіх адносін у сямідзесятых гадах, калі дзякуючы абмену ігракамі ў настольны тэніс дзвюм краінам удалося растапіць лёд недаверу і зрабіць прарыў у наладжванні сувязей паміж Злучанымі Штатамі і КНР. "Дыпламатыя пінг-понга" стварыла спрыяльны палітычны фон, які зрабіў магчымым візіты ў Кітай амерыканскага дарадцы па нацыянальнай бяспецы Генры Кісінджэра ў 1971 годзе, а затым і прэзідэнта Рычарда Ніксана ў 1972 годзе, што стала гістарычным момантам. У памяць пра гэтыя падзеі напярэдадні ў Х'юстане падчас міжнароднага турніру ў настольны тэніс прайшло ўрачыстае мерапрыемства, дзе прынялі ўдзел сам экс-дарадца Кісінджэр і цяперашні пасол Кітая ў ЗША Цінь Ган.

Экс-дарадца па нацыянальнай бяспецы ЗША Генры Кісінджэр сказаў: "Каманда ігракоў у пінг-понг, якая накіравалася ў Кітай з самаабвешчанай дыпламатычнай місіяй, сапраўды дапамагла збліжэнню дзвюх краін. Я хачу сказаць, што тыя вынікі і той дух усё яшчэ з намі праз столькі гадоў, і я хачу, каб кожны ведаў, як супольнасць ігракоў у настольны тэніс і, здавалася б, другарадныя падзеі могуць унесці свой уклад у разуменне паміж краінамі і мір паміж дзвюма вялікімі нацыямі".

Пасол КНР у ЗША Цінь Ган адзначыў: "За апошнія 50 гадоў кітайска-амерыканскія адносіны прайшлі праз многія цяжкасці і дасягнулі гістарычных вышынь. Сёння насенне дружбы, пасеянае з дапамогай "Дыпламатыі пінг-понга", вырасла ў высокае дрэва. Сяброўства двух народаў уяўляе сабой паслядоўную. рухаючую сілу для развіцця кітайска-амерыканскіх адносін. У апошнія гады кітайска-амерыканскія адносіны сутыкнуліся з сур'ёзнымі праблемамі. Гэта не адпавядае карэнным інтарэсам дзвюх краін, і ўмацаванне сувязей паміж намі - гэта агульная надзея двух народаў".

На Чэмпіянаце свету па настольным тэнісе, які праходзіць у Х'юстане, былі спецыяльна сфарміраваны дзве аб'яднаныя пары з кітайскіх і амерыканскіх ігракоў, гатовыя пазмагацца за золата. Кітаянка Ван Маньюй і амерыканскі спартсмен Канак Джа абгулялі расійскую пару з лікам 3:0 у сваім першым матчы, а кітаец Лін Гааюань з амерыканкай Лілі Чжан забяспечылі сабе перамогу ў матчы супраць Партугаліі. Прэзідэнт Кітайскай асацыяцыі настольнага тэніса Лю Галян ускладае вялікія надзеі на гэтыя дзве змешаныя пары.

"50 гадоў таму нашы папярэднікі заклалі вельмі добрую аснову для кітайска-амерыканскай дыпламатыі. Праз 50 гадоў мы спадзяёмся падтрымаць такі курс у рамках гэтага турніру. Мы спадзяемся, што ігракі змешаных пар з Кітая і ЗША змогуць прадоўжыць кітайска-амерыканскую дыпламатыю пінг-понга на вачах ва ўсяго свету. Дэманструючы свае цудоўныя навыкі, яны прыцягнуць больш балельшчыкаў і гледачоў з абедзвюх краін", - адзначыў ён.