Кітайска-амерыканская пара выйшла ў паўфінал Чэмпіянату свету па настольным тэнісе

Лінь Гааюань і Лілі Чжан выйшлі ў паўфінал Чэмпіянату свету па настольным тэнісе ў Х'юстане. Кітайска-амерыканская пара перамагла сапернікаў з Францыі Эмануэля Лебэсона і Юань Цзянань з лікам 3:1. Цяпер яны сустрэнуцца з японскімі спартсменамі Тамакадзу Харымота і Хінай Хаята. Таксама ў паўфінал выйшла кітайская пара Ван Чуцінь і Сунь Інша. З лікам 3:1 яны абгулялі іспанскіх спартсменаў Альвара Раблеса і Марыю Сяа. У наступным раўндзе яны будуць спаборнічаць з Лінь Юньжу і Чжэн Іцзін з Тайбэя. Паколькі на Чэмпіянаце свету па настольным тэнісе не прадугледжана гульня за трэцяе і чацвёртае месцы, усіх, хто выйшаў у паўфінал, ужо можна лічыць уладальнікамі ўзнагарод. Для ЗША гэты медаль стане першым на сусветным першынстве па пінг-понгу за 62 гады.

Паўфіналіст у парным змешаным разрадзе Лінь Гааюань адзначыў: "Мы ведаем, што ўсе нашы сапернікі тут гуляюць на вельмі высокім узроўні, таму кожны матч - гэта сапраўдны выклік. Мы былі гатовы да такіх цяжкасцей. Я казаў Лілі проста ігнараваць гэты ціск і гуляць так, як яна заўсёды гуляе. Дзякуй за перадматчавыя трэніроўкі, на іх мы змаглі прадэманстраваць нашы тэхнічныя навыкі, і, зрэшты, паказваем тут добры вынік!"

Лілі Чжан, паўфіналістка ў парным змешаным разрадзе, сказала: "Божа мой! Гэта было проста неверагодна! Я хачу сказаць вялікі дзякуй усім прысутным тут, і з Кітая, і з ЗША!"