У Кітаі ў эксплуатацыю будуць здадзены яшчэ дзве высакахуткасныя чыгуначныя лініі

Дзве новыя высакахуткасныя чыгуначныя лініі ў Кітаі будуць уведзены ў эксплуатацыю сёння.

Участак Муданьцзян-Цзямусы, які з'яўляецца часткай высакахуткаснай чыгункі Шэньян-Цзямусы на паўночным усходзе Кітая, стане самай усходняй высокахуткаснай чыгуначнай лініяй у краіне.

На гэтым участку чыгункі, працягласць якога складае 372 км, устаноўлена 7 станцый. Праектная хуткасць руху цягнікоў па ім – 250 км у гадзіну, паведамілі ў кампаніі China Railway Harbin Group Co., Ltd.

Браніраванне білетаў пачалося ў суботу.

Іншая высакахуткасная чыгуначная лінія, якая злучае гарады Чжанцзяцзе, Цзішоу і Хуайхуа ў прав. Хунань /Цэнтральны Кітай/, мае агульную працягласць 245 км. На ёй устаноўлена 7 станцый, адна з якіх размешчана ў старажытным мястэчку Фэнхуан /Фенікс/ - знакамітым турыстычным курорце Кітая. Праектная хуткасць руху па новай ВСЧД складае 350 км у гадзіну, паведамілі ў суботу ў кампаніі China State Railway Group Co., Ltd.

Да канца 2020 года агульная працягласць высокахуткасных чыгунак у Кітаі склала больш за 37,9 тыс. км. Па гэтым паказчыку краіна займае першае месца ў свеце.