Грузавы карабель «Цяньчжоу-2» увайшоў у атмасферу Зямлі

Касмічны грузавы карабель "Цяньчжоу-2" увайшоў у атмасферу пасля адстыкоўкі ад Кітайскай арбітальнай станцыі. Карабель запусцілі 29 траўня мінулага года з касмадрома Вэньчан на Хайнане. Ён даставіў на арбітальную станцыю амаль сем тон прыпасаў.

Між тым члены экіпажа "Шэньчжоу-13" на борце арбітальнай станцыі рыхтуюцца завяршыць сваю шасцімесячную місію ў сярэдзіне красавіка. Як паведамілі ва Упраўленні праграмы пілатуемых касмічных палётаў Кітая, экіпаж адчувае сябе добра.