Законапраект па забеспячэнні дзяржбяспекі ў Сянгане стане стрымліваючым інструментам для ўдзельнікаў беспарадкаў у раёне

Законапраект па забеспячэнні дзяржаўнай бяспекі ў ААР Сянган абавязкова стане магутным стрымліваючым інструментам удзельнікаў беспарадкаў у Сянгане, яго прыняцце зробіць грамадства стабільным, а жыццё - бяспечным. Пра гэта 26 чэрвеня заявіў кіраўнік Упраўлення па пытаннях канстытуцыйнага парадку і справах унутраных раёнаў краіны пры адміністрацыі Асаблівага адміністрацыйнага раёна (ААР) Сянган Цзэн Гавэй.

У інтэрв'ю Медыякарпарацыі Кітая Цзэн Гавэй сказаў, што у 2019 годзе ў Сянгане прайшла «хваля пратэстаў у сувязі з разглядам паправак у закон аб экстрадыцыі», за якімі хаваліся сілы, нацэленыя супраць дзеянняў уладаў Кітаю і на стварэнне беспарадкаў у Сянгане, а таксама знешнія антыкітайскае сілы. Рост гвалту не толькі сур'ёзна парушыў вяршэнства закона і грамадскі парадак у Сянгане, але і паставіў пад пагрозу росквіт і стабільнасць краіны. Закон аб нацыянальнай бяспецы ў Сянгане забяспечыць грамадскую бяспеку і законныя правы насельніцтва раёна, будзе садзейнічаць доўгатэрміноваму міру і росквіту, - падкрэсліў Цзэн Гавэй. 

Паводле яго слоў, зыходзячы з Канстытуцыі і Асноўнага закона КНР аб ААР Сянган, цэнтральны ўрад зрабіў шэраг мер па спыненні гвалту і аднаўленні парадку ў Сянгане, каб законным шляхам вырашыць крызіс. Прыняцце закона па забеспячэнні нацбяспекі ў Сянгане з'яўляецца паўнамоцтвам і адказнасцю цэнтральнага ўрада Кітая, а таксама адной з мер па забеспячэнні стабільнай рэалізацыі палітыкі «Адна дзяржава, дзве сістэмы». «Цэнтральны ўрад клапоціцца пра жыхароў Сянгана. Надае павышаную ўвагу сацыяльна-эканамічнаму развіццю горада і павышэнню дабрабыту яго жыхароў », - адзначыў Цзэн Гавэй.

Ён падкрэсліў, што адміністрацыя Сянгана будзе ў поўнай меры супрацоўнічаць з цэнтральнымі органамі ўлады і прыкладаць намаганні, каб прадстаўнікі розных колаў грамадскасці Сянгана падтрымалі прыняцце закона аб дзяржбяспецы ў ААР. -0-