Кітай выпусціў самыя танныя тэлефоны пад 5G

Кітайскі вытворца Realme прадставіў на рынку самыя танныя смартфоны, якія падтрымліваюць сувязь пятага пакалення. Кошт апарата Realme V5 -- 1399 юаняў.

У базавай камплектацыі тэлефон забяспечылі шасцю гігабайтамі аператыўнай памяці. На яго ўсталяваны акумулятар ёмістасцю 5000 мАг і нядрэнная камера на 48 мегапікселяў.

Сёння на рынку КНР продажы смартфонаў з падтрымкай 5G складаюць траціну агульнага аб'ёму. Паводле прагнозу аналітыкаў, да канца 2020 года гэты паказчык дасягне 70%. З актыўным развіццём сувязі пятага пакалення на рынку з'явілася патрэба ў бюджэтных смартфонах 5G. -0-