Кітайскія аптэкі складуць канкурэнцыю Starbucks
Сетка кітайскіх аптэк “Тунжэньтан” вырашыла скласці канкурэнцыю Starbucks і пачала адкрываць свае брэндавыя кавярні.
Фармацэўтычная кампанія "Тунжэньтан" створана ў 1669 годзе. Сваімі натуральнымі зёлкамі аптэкі гэтай кампаніі славяцца да гэтага часу. Зараз карпарацыя вырашыла паспрабаваць сябе ў кававым бізнэсе. Яна мае намер адкрыць па краіне 3000 кафэ, у якіх будуць падаваць напоі з даданнем розных гаючых раслін. Цікавай навінкай сталі ўнікальныя травяныя чаі, распрацаваныя пад кожны з 24 сезонаў традыцыйнага кітайскага календара.
Кавярні «Тунжэньтан» таксама будуць гандляваць прэпаратамі традыцыйнай кітайскай медыцыны. У многіх з іх будуць адкрыты адмысловыя ўрачэбныя кабінеты, дзе спецыялісты традыцыйнай кітайскай медыцыны будуць кансультаваць наведвальнікаў па такіх праблемах са здароўем, як бессань, павышаная трывожнасць або болі ў шыі ад пастаяннага знаходжання за камп’ютарам.
Першая кавярня "Тунжэньтан" адкрылася ў пекінскім мікрараёне Шуанцзін і хутка набрала папулярнасць. У чэрвені яе прыбытак склаў 1,62 млн юаняў. -0-