Выставачны бізнес у Гуанчжоу аднавіўся ад COVID-19

Выставачны бізнес Гуанчжоу ў поўнай меры аднавіўся ад удару каронавіруснай пнеўманіі, якая прывяла да прыпынення выставачнай дзейнасці на працягу доўгага часу.

З пачатку ліпеня па 11 жніўня ў выставачным раёне Пачжоу горада Гуанчжоу было праведзена 36 выстаў агульнай плошчай каля 900 тыс. квадратных метраў, якія прыцягнулі каля 700 тыс. экспанентаў і наведвальнікаў.

"Перазагрузка" выставачнага бізнесу будзе стымуляваць аднаўленне гасцінічнай галіны і комплекснага спажывання ў Гуанчжоу, лічаць у гарадскім упраўленні па справах камерцыі.

У 2019 года ў Гуанчжоу было арганізавана 690 выставачных мерапрыемстваў з агульнай выставачнай плошчай у 10,24 млн квадратных метраў. Па гэтых паказчыках Гуанчжоу заняў другое месца сярод усіх кітайскіх гарадоў.

Аднак эпідэмія каронавіруснай інфекцыі нанесла сур'ёзны ўдар па выставачным бізнесе ў Гуанчжоу. У перыяд з лютага па чэрвень у горадзе было адкладзена або адменена 112 папярэдне запланаваных выставачных мерапрыемстваў.

Першым сігналам аднаўлення выставачнага бізнесу ў нармальным рэжыме ў Гуанчжоу стала міжнародная выстава супрацьэпідэмічных сродкаў, праведзеная ў сярэдзіне чэрвеня. У двухдзённай выставе агульнай плошчай 36 тыс. квадратных метраў прынялі ўдзел больш за 600 прадпрыемстваў-экспанентаў і 18 тыс. закупнікоў.

-0-