Супрацоўнікі генконсульства КНР у Х'юстане вярнуліся ў Пекін
Супрацоўнікі закрытага генеральнага консульства КНР у Х'юстане прыбылі ў Пекін. У аэрапорце іх сустрэў міністр замежных спраў Ван І.
Супрацоўнікі вяртаюцца дадому ўпершыню пасля 21 ліпеня, калі ЗША запатрабавалі, каб генконсульства КНР у Х'юстане спыніла ўсю працу і мерапрыемствы ў канкрэтна вызначаныя тэрміны.
У сваім прывітальным слове Ван І сказаў, што перад абліччам нечаканага інцыдэнту супрацоўнікі кітайскага консульства рашуча адстойвалі асноўныя інтарэсы, годнасць краіны і народа, а таксама законныя правы і інтарэсы кітайскіх устаноў за мяжой у надзвычай складанай сітуацыі. Кіраўнік кітайскага МЗС адзначыў, што генконсульства КНР у Х'юстане прадэманстравала, што настроеныя супраць Кітая сілы ў ЗША падрываюць кітайска-амерыканскія адносіны і свядома спрабуюць стаць на шляху развіцця Кітая.
-0-