Шанхай абсталюе свае аэрапорты сувяззю 5G

Два міжнародных аэрапорта Шанхая будуць цалкам пакрытыя сеткай 5G да пачатку трэцяй Кітайскай Міжнароднай імпартнай ЭКСПА, якая адкрыецца ў лістападзе гэтага года.

Для дасягнення гэтай мэты ў панядзелак падпісана пагадненне паміж Шанхайскай карпарацыяй аэрапортаў і чатырма вядучымі тэлекамунікацыйнымі кампаніямі. Дакумент накіраваны на прасоўванне развіцця сеткі 5G у шанхайскіх міжнародных аэрапортах Хунцяа і Пудун.

Да канца ліпеня ў Шанхаі былі пабудаваныя больш за 25 тыс. базавых станцый сувязі пятага пакалення 5G. Сігнал можна злавіць ва ўсіх цэнтральных гарадскіх раёнах.

Сёлета ў Шанхаі аб'ём інвестыцый у развіццё сеткі 5G складзе каля 10 млрд юаняў / прыкладна 1,4 млрд долараў ЗША /. Мегаполіс плануе пабудаваць 30 тыс. базавых станцый 5G.

-0-