У Кітаі пабудавалі трамвай, які працуе без кантактнай сеткі
У правінцыі Хунань пабудавалі трамвай, які працуе без кантактнай сеткі.
Навінка сышла з вытворчай лініі лакаматывабудаўнічай кампаніі горада Чжучжоу, якая ўваходзіць у склад карпарацыі CRRC. Цягнік атрымлівае электрычнасць ад устаноўленых у ім суперкандэнсатараў, і на адной 30-секунднай зарадцы падчас прыпынку можа праехаць 5 км.
Цягнік з сямю вагонамі здольны перавезці да 500 чалавек і рухацца з максімальнай хуткасцю, роўнай 70 км / г, падзяліўся менеджэр аддзела даследаванняў і распрацовак гарадской чыгуначнай сістэмы кампаніі Не Вэньбінь.
Паводле яго слоў, трамвай абсталяваны сістэмай аўтаномнага кіравання.
Новы нізкапольны трамвай будзе выкарыстоўвацца на лініі ў куньмінскім міжнародным аэрапорце «Чанша» правінцыі Юньнань на паўднёвым захадзе Кітая.
Чжучжоўская лакаматывабудаўнічая кампанія CRRC у 2012 годзе першай у свеце ўжыла тэхналогіі назапашвання энергіі з выкарыстаннем суперкандэнсатараў ў легкарэльсавых транспартных сродках, што забяспечыла экалагічна чыстыя і інтэлектуальныя рашэнні ў транспарце. -0-