Больш за 17 тыс. кампаній возьмуць удзел у міжнародным кірмашы паслуг у Пекіне

Больш за 17 тысяч кампаній возьмуць удзел у Кітайскім міжнародным кірмашы гандлю паслугамі, які ў хуткім часе пройдзе ў Пекіне.

Большасць прадпрыемстваў прыме ўдзел у анлайн-фармаце. Стаўка на анлайн-платформы зроблена ў мэтах знізіць магчымыя рызыкі, якія нясе эпідэмія.

У праграму кірмашу ўвайшло каля 190 мерапрыемстваў у традыцыйным і анлайн-фармаце, у тым ліку форумы і дзелавыя перамовы.

Плануецца, што кірмаш наведаюць каля 90 тыс. чалавек, у тым ліку прадстаўнікі міжнародных арганізацый і пасольстваў замежных дзяржаў у Кітаі, а таксама замежных дзелавых асацыяцый. -0-