На касмадром дастаўлена ракета-носьбіт для выканання місіі, звязанай з кітайскай касмічнай станцыяй

Ракета-носьбіт Long March-5B Y2, з дапамогай якой будзе запушчаны асноўны модуль касмічнай станцыі Кітая, дастаўлена ў панядзелак на касмадром «Вэньчан» у правінцыі Хайнань.

Па паведамленні Канцылярыі праграмы пілатуемай касманаўтыкі Кітая, ракета-носьбіт разам з модулем "Цяньхэ" пройдзе выпрабаванні на касмадроме.

На перыяд 2021-2022 гг. запланавана 11 задач па стварэнні кітайскай касмічнай станцыі, уключаючы ўзвядзенне асноўнага модуля, запуск якога вызначаны на першую палову бягучага года, паведамілі ў Кітайскім нацыянальным касмічным упраўленні. Ва ўпраўленні заявілі, што аб'екты і абсталяванне на касмадроме “Вэньчан» знаходзяцца ў добрым стане, і праца па падрыхтоўцы да выканання адпаведных задач праводзіцца па графіцы.