Галоўны канструктар кітайскай праграмы даследавання Месяца пракаментаваў план стварэння навуковай станцыі на месячным Паўднёвым полюсе

Кітай завяршыў тэхнічнае абгрунтаванне чацвёртай фазы сваёй праграмы даследавання Месяца і гатовы да стварэння міжнароднай навукова-даследчай станцыі ў раёне Паўднёвага полюса натуральнага спадарожніка Зямлі, заявіў галоўны канструктар вышэйназванай праграмы У Вэйжэнь.

У інтэрв'ю China Space News У Вэйжэнь адзначыў, што ў рамках чацвёртай фазы праграмы даследавання Месяца запланаваны тры задачы: збор зондам "Чан'э-6" і дастаўка на Зямлю узораў рэгаліту з Паўднёвага полюса Месяца, падрабязнае абследаванне рэсурсаў у дадзеным раёне з дапамогай "Чанъэ-7", а таксама тэставанне ключавых тэхналогій на паверхні Месяца з дапамогай "Чан'э-8" у мэтах падрыхтоўкі да будаўніцтва навукова-даследчай станцыі.

У Вэйжэнь растлумачыў, што ў дадзенай мясцовасці могуць быць гэтак жа, як і на паўночным і паўднёвым палюсах Зямлі, палярныя дзень і ноч, паколькі перыяд звароту Месяца вакол Зямлі супадае з яе цыклам кручэння вакол сваёй восі, абодва з якіх складаюць 28 дзён. Таму цалкам верагодна, што на месячным Паўднёвым полюсе дзённы час можа працягвацца больш за 180 дзён запар, што было б вельмі зручна для правядзення касманаўтамі навуковых даследаванняў.

У аўторак Кітай і Расія падпісалі мемарандум аб узаемаразуменні па сумесным будаўніцтве міжнароднай навукова-даследчай станцыі на Месяцы.

У Вэйжэнь мяркуе, што ў рамках гэтага дакумента Кітай і Расія будуць, выкарыстоўваючы свой вопыт у сферах касмічнай навукі, распрацоўкі і прымянення касмічнага абсталявання і тэхналогій, сумесна працаваць над выпрацоўкай "дарожнай карты" для будаўніцтва міжнароднай навуковай станцыі на Месяцы, а таксама ажыццяўляць цеснае супрацоўніцтва ў распрацоўцы, рэалізацыі і эксплуатацыі дадзенага праекта.