У Тыбеце адкрылася мемарыяльная зала ў памяць аб руху за адмену феадальна-прыгонніцкага ладу

У Тыбецкім аўтаномным раёне адкрылася першая мемарыяльная зала, прысвечаная гістарычнаму руху за адмену феадальна-прыгонніцкага ладу ў Тыбеце, канец якому быў пакладзены 62 гады таму.

Перад мемарыяльнай залай, размешчанай у адміністрацыйным цэнтры ТАР Лхасе, нядзельнай раніцай выстраілася доўгая чарга наведвальнікаў. Там прадстаўлены як фатаграфіі, так і прадметы эпохі феадальна-прыгоннага ладу, у тым ліку прылады катаванняў і рытуальныя артэфакты, зробленыя з костак і скуры прыгонных, а таксама задакументаваныя звесткі аб дэмакратычных рэформах і зменах у новым жыцці тыбетцаў.

28 сакавіка 1959 года народ Тыбету пад кіраўніцтвам Камуністычнай партыі Кітая / КПК / пачаў дэмакратычныя рэформы, адмяніўшы феадальны прыгон, які панаваў у Тыбеце пры тэакратычным ладзе.

У 2009 годзе Сход народных прадстаўнікоў ТАР абвясціў 28 сакавіка Днём вызвалення мільёна тыбэтцаў ад прыгоннага рабства.

На сённяшні дзень у Тыбеце пабудавана шырокая сетка чыгунак, паветраных маршрутаў і аўтамагістралей, у вёсках і хатніх гаспадарках арганізавана водазабеспячэнне, электразабеспячэнне і доступ у Інтэрнэт. Сярэдняя працягласць жыцця ў раёне вырасла з 35,5 гадоў да 71,1 года. --0--