Праз КПП Маньчжоўлі прайшло 10 тысяч цягнікоў у рамках грузаперавозак Кітай-Еўропа

Колькасць грузавых цягнікоў, якія курсуюць па маршруце Кітай-Еўропа праз Маньчжоўлі (аўтаномны раён Унутраная Манголія, Паўночны Кітай), найбуйнейшы сухапутны кантрольна-прапускны пункт / КПП / Кітая, дасягнула 10 тысяч. Пра гэта паведамілі ў мясцовым чыгуначнымведамстве.

Цягнік, які перавозіць 61 кантэйнер з крэсламі, ручнікамі, клапанамі, мабільнымі кандыцыянерамі і іншымі таварамі, пакінуў Маньчжоўлі і адправіўся ў Польшчу, стаўшы 10-тысячным па ліку грузавым саставам Кітай-Еўропа, перасекшы дадзены КПП.

У першым квартале бягучага года колькасць грузавых саставаў, якія прайшлі праз КПП Маньчжоўлі ў рамках маршруту Кітай-Еўропа, дасягнула 951, што на 60,4 % больш у параўнанні з аналагічным перыядам мінулага года, заявілі ў мясцовым аддзяленні кампаніі China Railway Harbin Group.

Паводле яго даных, за перыяд з 2013 года, калі першы грузавы цягнік, які рухаўся па маршруце Кітай-Еўропа, перасёк КПП Маньчжоўлі, сярэднемесячная колькасць такіх саставаў перавысіла 300.

У цяперашні час праз Маньчжоўлі праходзяць 52 маршруты рэгулярных грузавых чыгуначных перавозак Кітай-Еўропа, якія ідуць у 28 гарадоў 13 краін Еўропы.