Тэлефоны з падтрымкай 5G дамініравалі на кітайскім рынку ў сакавіку

Пастаўкі мабільных тэлефонаў з падтрымкай тэхналогіі 5Gдамініравалі на кітайскім рынку смартфонаў у сакавіку, а агульны аб'ём паставак 5G-тэлефонаў за месяц дасягнуў рэкордных 27,5 млн адзінак, сведчаць даныя Акадэміі інфармацыйных і камунікацыйных тэхналогій Кітая /CAICT/. У мінулым месяцы гэты паказчык склаў 76,2% агульнага аб'ёму паставак мабільных тэлефонаў на айчынны рынак.

У мінулым месяцы выпушчана ў агульнай складанасці 16 новых мадэляў тэлефонаў з падтрымкай 5G, гаворыцца ў паведамленніCAICT. Па інфармацыі акадэміі, у першым квартале бягучага года пастаўкі тэлефонаў 5G у краіну перавысілі 69,84 млн адзінак, што складае 71,3% агульнага аб'ёму паставак.