Кітай падтрымлівае заклік краін, якія развіваюцца, адмовіцца ад правоў інтэлектуальнай уласнасці на вакцыны супраць COVID-19

Кітай цалкам разумее і падтрымлівае заклік краін, якія развіваюцца,адмовіцца ад правоў інтэлектуальнай уласнасці на вакцыны супраць COVID-19. Пра гэта заявіў 17 мая афіцыйны прадстаўнік МЗС КНР Чжаа Ліцзянь на штодзённай прэс-канферэнцыі. Адзначыўшы, што вакцыны з'яўляюцца магутнай зброяй у барацьбе з пандэміяй, Чжаа Ліцзянь заявіў, што Кітай зробіць усё, каб дапамагчы краінам, якія развіваюцца, атрымаць перамогу над пандэміяй. "Кітай падтрымлівае любыя дзеянні, якія спрыяюць справядліваму доступу да вакцын. Гэта ўвасабленне прыроды вакцын ад каранавіруса як глабальнага грамадскага дабра, а таксама неабходная частка стварэння супольнасці аховы здароўя чалавецтва", — дадаў ён. Кітай уносіць адчувальны ўклад у забеспячэнне фізічнай і эканамічнай даступнасці вакцын ў краінах, якія развіваюцца, нягледзячы на сваю велізарную колькасць насельніцтва і абмежаваныя пастаўкі вакцын, сказаў прадстаўнік ведамства.

Кітайская вакцына Sinopharm ад COVID-19 была ўхвалена для экстранага прымянення Сусветнай арганізацыяй аховы здароўя, працягнуў ён. Кітай таксама абвясціў, што ён прадаставіць вакцыны ад COVID-19 міратворчым сілам ААН і Міжнароднаму алімпійскаму камітэту, і ўжо дамогся станоўчых вынікаў па гэтай лініі, адзначыў Чжаа Ліцзянь.

"Кітай працягне ўносіць свой уклад у тое, каб зрабіць вакцыны больш справядлівымі і даступнымі ў краінах, якія развіваюцца", — заявіў Чжаа Ліцзянь.