Кітайскі тэлескоп FAST выявіў больш за 200 пульсараў

Дзякуючы кітайскаму радыётэлескопу FAST навукоўцы выявілі 201 пульсар.

Даследаванне праводзілася Дзяржаўнай астранамічнай абсерваторыяй Акадэміі навук Кітая. Яго вынікі апублікаваныя 20 мая ў часопісе Research in Astronomy and Astrophysics.

Як заявіў кіраўнік даследавання Хань Цзіньлінь, пульсар ы адрозніваюцца самым моцным магнітным полем, самай высокай шчыльнасцю і самым хуткім кручэннем сярод усіх нябесных цел у Сусвеце, і таму яны з'яўляюцца ідэальнай "лабараторыяй" для вывучэння законаў фізікі ў экстрэмальных умовах.