У Пекіне прынятыя правілы барацьбы з харчовымі адходамі

На пастаўшчыкоў паслуг грамадскага харчавання, якія заахвочваюць, дэзінфармуюць або прымушаюць спажыўцоў заказваць празмерную колькасць ежы, могуць быць накладзеныя штрафы ў памеры да 10 тыс. юаняў, паведаміла ў панядзелак газета China Daily са спасылкай на правілы, якія былі прынятыя на сесіі Пастаяннага камітэта Сходу народных прадстаўнікоў Пекіна.

Правілы, галоўнай мэтай якіх з'яўляецца скарачэнне аб'ёму харчовых адходаў і садзейнічанне сціпламу ладу жыцця, ўступілі ў сілу з дня публікацыі. У адпаведнасці з новай пастановай, службам грамадскага харчавання не варта ўсталёўваць аб'ём мінімальнага спажывання, яны таксама павінны дакладна ўказваць прадметы спажывання і стандарты іх аплаты.

Згодна з новаўвядзеннем, службы дастаўкі ежы і прадуктаў харчавання абавязаны нагадваць кліентам пра аптымальны памеры заказу ежы. З парушальнікаў гэтай пастановы, якія не ўнясуць папраўкі ў сваю дзейнасць, будзе спаганяцца штраф у памеры да 10 тыс. юаняў.

Кітайскія заканадаўцы ў красавіку прагаласавалі за прыняцце закона аб барацьбе з марнатраўствам у ежы. Закон, закліканы стварыць доўгатэрміновую сістэму прадухілення харчовых адходаў, мае вырашальнае значэнне для забеспячэння нацыянальнай харчовай бяспекі.