Сянган апынуўся сусветным лідарам па «індэксе стомленасці»

Сянган другі год запар застаецца сусветным лідарам па «індэксе стомленасці» -- паказчыку звышурочных гадзін працы. Пра гэта сведчыць даклад амерыканскай кансалтынгавай кампаніі KISI.

Высветлілася, што па выніках 2020 года сярэдняя працягласць працоўнага тыдня ў Сянгане на 29% перавышае ўсталяваны Міжнароднай арганізацыяй працы стандарт у 40 гадзін. На другім месцы апынуўся Сінгапур, дзе працягласць працоўнага тыдня на 25,1% перавышае норму. «Бронза» дасталася Бангкоку. У дзясятку таксама ўвайшлі Буэнас-Айрэс, Сеул, Токіа, Х'юстан, Куала-Лумпур, Калгары і Лондан.