Колькасць насельніцтва Сіньцзяна павялічылася на 18,52% за апошнія 10 гадоў

Колькасць насельніцтва Сіньцзян-Уйгурскага аўтаномнага раёна /СУАР/ на паўночным захадзе Кітая вырасла на 18,52% за перыяд з 2010 года па 2020 год, сведчаць даныя 7-га агульнанацыянальнага перапісу насельніцтва.

Па стане на канец кастрычніка 2020 года колькасць пастаяннага насельніцтва раёна дасягнула 25,85 млн чалавек, павялічыўшыся прыкладна на 4,04 млн чалавек у параўнанні з паказчыкам 2010 года, калі праводзіўся 6-ы агульнанацыянальны перапіс насельніцтва.

Паводле даных, стабільны рост насельніцтва абумоўлены сацыяльна-эканамічным развіццём раёна. Дзякуючы стабільнай сітуацыі Сіньцзян у апошнія гады прыцягнуў вялікую колькасць інвестараў для пачатку прадпрымальніцтва.

Ад агульнай колькасці сталага насельніцтва Сіньцзяна прадстаўнікі нацыянальнасці хань складаюць 42,24%, а прадстаўнікі нацменшасцяў -- 57,76%, з іх 44,96% -- уйгуры.

Сіньцзян -- раён з адносна маладым насельніцтвам. Тут доля насельніцтва ва ўзросце 60 гадоў і старэй складае 11,28%.

Даныя перапісу паказваюць, што гарадское насельніцтва Сіньцзяна складае 56,53%агульнай колькасці насельніцтва раёна. У параўнанні з вынікамі папярэдняга перапісу насельніцтва доля гарадскога насельніцтва павялічылася на 13,73%.