У Кітаі чакаецца 750 млн чыгуначных паездак у летні сезон

Чакаецца, што ў Кітаі будзе здзейснена 750 млн чыгуначных паездак у летні сезон, што амаль супастаўна з узроўнем 2019 года. Пра гэта сведчаць апублікаваныя 30 чэрвеня даныя кітайскага аператара чыгуначных перавозак.

Пік летняга сезона доўжыцца 62 дні, з 1 ліпеня па 31 жніўня. Чакаецца, што на працягу гэтага перыяду пікавая колькасць пасажырскіх перавозак за дзень дасягне амаль 14 млн.

Сезон летніх паездак — напружаны перыяд для чыгуначнай сістэмы Кітая, бо студэнты вышэйшых навучальных устаноў вяртаюцца дадому на перыяд канікул. У сувязі з гэтым попыт на транспартныя паслугі і паездкі па сямейных абставінах імкліва расце.