Вакцыны супраць COVID-19 кітайскіх кампаній Sinopharm і Sinovac Biotech увайшлі ў банк вакцын COVAX

Глабальны альянс па вакцынамі і імунізацыі /GAVI/ у апублікаваным прэс-рэлізе паведаміў, што падпісаў пагадненні аб папярэдніх закупках з кітайскімі кампаніямі Sinopharm і Sinovac Biotech, што азначае, што распрацаваныя імі вакцыны ад COVID-19 будуць уключаныя ў банк вакцын міжнароднага механізму COVAX, і што з ліпеня кітайскія кампаніі пачнуць забяспечваць механізм прэпаратамі, якія будуць выкарыстоўвацца для барацьбы з эпідэміяйу краінах, якія развіваюцца.

Улічваючы, што вакцыны кампаній Sinopharm і Sinovac Biotech ужо ўвайшлі ў спіс СААЗ для экстранага прымянення супраць COVID-19, яны могуць быць неадкладна пастаўлены ўдзельнікам COVAX. У адпаведнасці з падпісаным пагадненнем, да канца кастрычніка бягучага года Sinopharm і Sinovac Biotech паставяць механізму 110 млн доз прэпаратаў з наступнымі доўгатэрміновымі пастаўкамі.

Пагадненне паміж GAVI і кітайскімі кампаніямі было дасягнута тады, калі краінам, якія развіваюцца, неабходна тэрмінова пашырыць паказчыкі вакцынацыі і ўтаймаваць распаўсюджванне каранавіруса.

У пастаянным прадстаўніцтве Кітая ў Аддзяленні ААН і іншых міжнародных арганізацыях у Жэневе адзначылі, што падпісанне пагадненняў паміж кітайскімі кампаніямі і GAVI з'яўляецца важным увасабленнем прыхільнасці Кітая практычнымі дзеяннямі зрабіць вакцыны "глабальным грамадскім дабром". Урад КНР заўсёды актыўна заахвочвае і падтрымлівае ўдзел кітайскіх распрацоўшчыкаў і вытворцаў вакцын у COVAX і пастаўкі вакцын краінам, якія развіваюцца.