У чэрвені Кітай імпартаваў 6,72 млн тонаў ЗПГ

Кітайскі імпарт звадкаванага прыроднага газу / ЗПГ / у чэрвені 2021 года дэманстраваў устойлівы рост. Пра гэта сведчаць даныя, апублікаваныя 18 ліпеня Галоўным мытным упраўленнем КНР.

Па звестках ведамства, у мінулым месяцы сумарны аб'ём імпарту ЗПГ склаў 6,72 млн тонаў, што на 16,5 % больш, чым за аналагічны перыяд 2020 года.

За першыя шэсць месяцаў бягучага года ў Кітай было дастаўлена 39,78 млн тонаў ЗПГ, што вышэй за мінулагодні паказчык на 27,8 %.

Акрамя таго, згодна з сённяшняй статыстыкай, экспарт з Кітая бензіну ў чэрвені склаў 1,45 млн тонаў і дызельнага паліва - 2,36 млн тонаў, што ў гадавым вылічэнні больш на 90,8 % і 127,7 % адпаведна.