На 5-й ЭКСПА Кітая і арабскіх краін заключаны дагаворы на суму каля 4 млрд юаняў для садзейнічання супрацоўніцтву ў рамках "Пояса і шляху"

Пагадненні па 13 праектах супрацоўніцтва на агульную суму амаль 4 млрд юаняў (каля 620 млн дол. ЗША) 19 жніўня былі падпісаныя на канферэнцыі ў рамках 5-й ЭКСПА Кітая і арабскіх краін, якая праходзіць у горадзе Іньчуань (адм. цэнтр Нінся-Хуэйскага аўтаномнага раёна, Паўночна-Заходні Кітай).

Канферэнцыя па садзейнічанні інвестыцыям у рамках "Пояса і шляху", галоўная тэма якой - "Спрыяльныя магчымасці, будучыня і ўстойлівасць", засяродзілася на пытаннях садзейнічання ўстойліваму развіццю двухбаковых інвестыцый. На ёй эксперты і інсайдэры правялі абмен думкамі аб палітычных мерах, сферах супрацоўніцтва і папярэджанні рызык для сумеснага будаўніцтва "Пояса і шляху".

Заключаныя пагадненні ахопліваюць такія галіны, як інфраструктурнае будаўніцтва, новыя крыніцы энергіі, сучасная сельская гаспадарка, вытворчасць абсталявання, біямедыцына, авіяцыя агульнага прызначэння і інш.

ЭКСПА сумесна арганізавана Міністэрствам камерцыі КНР, Кітайскім камітэтам садзейнічання развіццю міжнароднага гандлю і ўрадам Нінся-Хуэйскага аўтаномнага раёна. Нагадаем, што першая падобная выстава адбылася ў 2013 годзе, і з таго часу ў ёй прынялі ўдзел больш за 5 тыс. прадпрыемстваў прыкладна са 110 краін.