Кітай засяродзіцца на развіцці гарантаванага арэнднага жылля ў 2021-2025 гг.

У перыяд рэалізацыі 14-га пяцігадовага плана сацыяльна-эканамічнага развіцця краіны /2021-2025 гг./ Кітай засяродзіцца на развіцці гарантаванага арэнднага жылля ў мэтах забеспячэння бяспекі жыллёвых умоў.

У агульнай складанасці ў Кітаі больш за 80 млн кватэр пабудавана ў рамках сістэмы гарантаванага жылля, а таксама ажыццёўлены рамонт жылых памяшканняў, што палепшыла ўмовы жыцця больш за 200 млн людзей, паведаміў у аўторак на прэс-канферэнцыі міністр жылля, гарадскога і сельскага будаўніцтва Ван Мэнхуэй.

У Кітаі пабудавана самая вялікая ў свеце сістэма гарантаванага жылля, што ўнесла пазітыўны ўклад ва ўсебаковую пабудову грамадства сярэдняй заможнасці, дадаў ён.

Сярод розных тыпаў гарантаванага жылля арэнднае жыллё галоўным чынам накіравана на вырашэнне жыллёвых праблем новых жыхароў і моладзі ў буйных гарадах, у той час як жыллё ў сумеснай уласнасці ў асноўным прызначана для таго, каб палепшыць умовы жыцця людзей, якія не могуць дазволіць сабе куплю жылля, сказаў Ван Мэнхуэй.

У снежні мінулага года Кітай паабяцаў вырашыць сур'ёзныя жыллёвыя праблемы ў буйных гарадах, назваўшы развіццё арэнднага жылля адной са сваіх ключавых эканамічных задач на 2021 год.

У справаздачы аб рабоце ўрада за 2021 год Кітай зноў пацвердзіў прынцып "жыллё прызначана для пражывання, а не для спекуляцыі", паабяцаўшы захаваць цэны на зямлю і жыллё.