Агонь зімовых Алімпійскіх гульняў запалілі ў Грэцыі
Агонь зімовых Алімпійскіх гульняў, што пройдуць у Пекіне з 4-га па 20-га лютага 2022 года, запалілі ў Грэцыі. Цырымонія прайшла ў Старажытнай Алімпіі. На ёй прысутнічалі кіраўнік Міжнароднага алімпійскага камітэта Томас Бах, кіраўнік Нацыянальнага алімпійскага камітэта Грэцыі Спірас Капралас, прэзідэнт краіны Кацярына Сакеларапулу і кітайская дэлегацыя. Агонь перададуць прадстаўнікам Кітая на афінскім стадыёне «Панацінаікас», пасля чаго яго даставяць спецрэйсам у Пекін.