Адміністрацыя Сянгана раздасць малому і сярэдняму бізнесу па тысячы долараў на кожнага работніка

Сянганская адміністрацыя запусціла праграму субсідый для малога і сярэдняга бізнесу. Пятая хваля эпідэміі па выніках першага квартала скараціла эканоміку дзелавога цэнтра Азіі на 4%. Да 12 траўня прыватныя кампаніі Сянгана могуць аформіць бюджэтную кампенсацыю з разліку тысяча даляраў на супрацоўніка за месяц.

Эпідэмія ў Сянгане ідзе на спад. Вясновая ўспышка ўдарыла па эканоміцы, узровень беспрацоўя ў мегаполісе па выніках першага квартала падскочыў да 5%.

З траўня па ліпень прыватныя кампаніі будуць атрымліваць па тысячы долараў на супрацоўніка за месяц. У залежнасці ад сферы дзейнасці яны такім чынам могуць кампенсаваць заробак работнікаў. Агульны кошт праграмы -- 5,5 млрд долараў. Мяркуецца, што яна ахопіць каля 1,7 млн сянганцаў.

Дырэктар Інстытута глабальнай эканомікі і фінансаў Кітайскага ўніверсітэта Сянгана Тэранс Чун адзначыў: “Схема карысная для кампаній, якія адчуваюць праблемы з грашовым патокам. Сярод іх фітнес-цэнтры і салоны прыгажосці. Паколькі многія кампаніі не перажывуць пятую хвалю і не змогуць атрымаць грошы па гэтай схеме, падаўжаць яе дзеянне пасля яе заканчэння позна. Мяркую, эканамічная сітуацыя палепшыцца пасля адкрыцця ўсіх кампаній і адмены большасці мер сацыяльнага дыстанцыявання”.

У 7-мільённым мегаполісе перахварэлі 1,2 млн жыхароў пры ўзроўні вакцынацыі больш за 85%.