ВУП Кітая ў 2021 г. вырас на 8, 1%, перавысіўшы мэтавы паказчык у 6%

Эканоміка Кітая летась справілася з праблемамі, звязанымі з пандэміяй, і захавала стабільны рост. Аб гэтым сведчаць даныя Дзяржаўнага статыстычнага ўпраўлення КНР.

ВУП краіны за 12 месяцаў вырас больш чым на 8% і наблізіўся да адзнакі 18 трлн долараў, перавысіўшы мэтавы паказчык у 6%. Наяўны даход на душу насельніцтва ў Кітаі павялічыўся на 9% — да 5500 долараў. У Дзяржстаце пры гэтым адзначаюць, што кітайская эканоміка знаходзіцца пад ціскам з-за скарачэння попыту, збояў у сферы прапановы і паслаблення чаканняў.