​Тое, што Д. Трамп заклікаў усіх жадаючых весці бізнес з ЗША адмовіцца ад абсталявання Huawei, МЗС КНР назвала чыстай палітызацыяй

Забарона на выкарыстанне абсталявання Huawei не мае нічога агульнага з дзяржаўнай бяспекай ЗША, а з'яўляецца чыстай палітызацыяй. Сее смуту і разлад не Кітай, а ЗША. Пра гэта 15 ліпеня заявіла афіцыйны прадстаўнік МЗС КНР Хуа Чуньін на чарговай прэс-канферэнцыі, каментуючы заклік Дональда Трампа да іншых краін свету адмовіцца ад прадукцыі кампаніі Huawei.

Нагадаем, што 14 ліпеня на брыфінгу ў Белым Доме Д. Трамп адкрыта прызнаўся, што асабіста паспрабаваў пераканаць шэраг краін не выкарыстоўваць абсталяванне Huawei, калі ў іх ёсць жаданне весці бізнес са Злучанымі Штатамі.

-0-