Тры ракеты ўпалі побач з амбасадай ЗША ў Багдадзе
Тры ракеты "Кацюша" ўпалі сёння ля амбасады ЗША, ва ўмацаванай "зялёнай зон" ў цэнтры Багдада. Пра гэта паведаміла МУС Ірака. Ракетны ўдар быў нанесены ў нядзелю ў другой палове дня, тры снарады ўпалі на раён паблізу амбасады ЗША ў "зялёнай зоне", дзе размяшчаюцца будынкі некаторых урадавых ведамстваў і частка замежных пасольстваў. Па словах крыніцы, паведамленняў аб ахвярах і пацярпелых пакуль не паступала.
"Зялёная зона" часта становіцца мішэнню артылерыйскіх і ракетных удараў паўстанцаў. Зона, плошча якой складае 10 кв. км, размешчана на заходнім беразе ракі Тыгр, якая працякае праз іракскую сталіцу.
Амбасада ЗША і іракскія вайсковыя базы, дзе размяшчаецца амерыканскі кантынгент, таксама часта падвяргаюцца артылерыйскім і ракетным абстрэлам з боку паўстанцаў.
Апошняя атака адбылася праз некалькі гадзін пасля прыезду ў Багдад міністра замежных спраў Ірана Махамада Джавада Зарыфа, які прыбыў сюды для перамоваў з іракскімі кіраўнікамі. --0--