ЗША і Расія пачалі новы раўнд дыялогу па кантролі над узбраеннямі

ЗША і Расія ў Вене пачалі новы раўнд дыялогу па кантролі над узбраеннямі, працягнуўшы абмеркаванне пытанняў, якія тычацца падаўжэння Дамовы аб мерах па далейшым скарачэнні і абмежаванні стратэгічных наступальных узбраенняў.

Як перадае аўстрыйскае інфармацыйнае агенцтва APA, перамовы праводзяць спецыяльны прадстаўнік ЗША па кантролі над узбраеннямі Маршал Білінгслі і намеснік міністра замежных спраў Расіі Сяргей Рабкоў.

Перад пачаткам перамоваў прадстаўнікі абодвух бакоў заявілі, што яны падрыхтаваліся да дыялогу. Плануецца, што перамовы завершацца 18 жніўня ўвечары. -0-