Амерыканскія кампаніі абвінавацілі адміністрацыю ЗША ў павышэнні мытных пошлін на кітайскія тавары

За некалькі мінулых тыдняў каля 3500 амерыканскіх кампаній прынялі рашэнне аспрэчваць ў Федэральным судзе ЗША па пытаннях міжнароднага гандлю павышэнне адміністрацыяй Дональда Трампа мытных пошлін на кітайскія тавары, уведзенае ў адпаведнасці з 301-м артыкулам закона ЗША аб гандлі.

Tesla, Ford Motor, Target і іншыя кампаніі заявілі ў іскавай заяве, што федэральныя ўлады, якія ў верасні 2018 года і верасні 2019 года павысілі пошліны на кітайскія тавары на суму звыш 300 млрд долараў, не выканалі прадугледжаныя законам адміністрацыйныя працэдуры, у прыватнасці, не змаглі прадаставіць зацікаўленым бакам дастатковых магчымасцяў для выказвання сваіх меркаванняў, не ўлічылі ў поўнай меры адпаведныя фактары пры прыняцці рашэння па тарыфах і не змаглі выразна растлумачыць прычыны сваіх рашэнняў.

Кампаніі заявілі, што рашэнне Белага дома аб павышэнні мытных пошлін прывяло да павелічэння аперацыйных выдаткаў кампаній. Па наяўных даных, з лютага 2018 года па красавік 2020 года з-за ўведзеных дадатковых тарыфаў на кітайскія тавары амерыканскім спажыўцам і прадпрыемствам давялося дадаткова заплаціць больш за 57 млрд долараў.

Нягледзячы на тое, што эканоміка ЗША дэманструе аднаўленне пасля эпідэміі, увядзенне дадатковых пошлін на кітайскую прадукцыю па-ранейшаму наносіць сур'ёзны ўрон многім амерыканскім прадпрыемствам. - Р -