Генеральны сакратар ААН падтрымлівае неадкладнае спыненне агню паміж Арменіяй і Азербайджанам

Генеральны сакратар ААН падтрымлівае заклік Мінскай групы АБСЕ па ўрэгуляванні сітуацыі вакол Нагорнага Карабаха да спынення агню паміж Арменіяй і Азербайджанам. Пра гэта адзначаецца ў заяве, апублікаванай яго прэс-сакратаром.

Прадстаўнікі краін-сустаршыняў Мінскай групы АБСЕ ў пятніцу правялі ў Жэневе перамовы з міністрамі замежных спраў Арменіі і Азербайджана. У сумеснай заяве гаворыцца, што краіны-сустаршыні Мінскай групы АБСЕ заклікаюць канфліктуючыя бакі ў поўным аб'ёме выканаць узятыя абавязацельствы і неадкладна ажыццявіць гуманітарнае спыненне агню ў Нагорным Карабаху.

Генеральны сакратар ААН заклікае бакі працягнуць канструктыўны дыялог і актывізаваць намаганні для мірнага і трывалага ўрэгулявання канфлікту пры садзейнічанні краін-сустаршыняў Мінскай групы АБСЕ. - Р -