Меркаваная працягласць жыцця ў ЗША ўпала на адзін год
У першай палове 2020 года меркаваная працягласць жыцця ў Злучаных Штатах ўпала на адзін год, адзначаецца ў справаздачы, апублікаванай цэнтрамі ЗША па кантролі за захворваннямі. У цэлым, у першай палове 2020 года сярэдні тэрмін жыцця амерыканца быў роўны 77,8 года. У 2019-м — 78,8 года, удакладняецца ў дакуменце.
Паводле даных Універсітэта Джонса Хопкінса, па стане на 22 лютага ў выніку пандэміі ў ЗША загінулі больш за 500 тысяч грамадзян, што ўжо перавысіла страты ў Другой сусветнай вайне.