Алімпійскія гульні ў Токіа адбудуцца - прэм'ер-міністр Японіі

Прэм'ер-міністр Японіі Есіхідэ Суга паабяцаў, што Алімпійскія і Паралімпійскія гульні 2020 года Токіа пройдуць, як і запланавана, гэтым летам.

Як паведаміў японскі тэлеканал NHK, Е. Суга даў абяцанне правесці адкладзеныя гульні падчас сустрэчы з былым губернатарам прэфектуры Ціба Кэнсаку Марытай.

Па словах К. Марыта, калі ён спытаў, ці будзе Е. Суга праводзіць гэтым летам Алімпійскія гульні 2020, прэм'ер-міністр адказаў сцвярджальна.

Як сказаў К. Марыта, Е. Суга таксама паведаміў яму, што правядзенне Алімпійскіх гульняў стане магчымым дзякуючы паскарэнню вакцынацыі, перадае тэлеканал NHK.

10 мая, выступаючы ў парламенце краіны, Е. Суга заявіў, што ён ніколі "не ставіў Алімпійскія гульні на першае месца". Гэта выклікала асцярогі, што гульні могуць не адбыцца ў перыяд з 23 ліпеня па 8 жніўня.