Сінгапур вызначыў медустановы для правядзення вакцынацыі прэпаратам Sinovac
Міністэрства аховы здароўя Сінгапура вызначыла 24 прыватныя медыцынскія ўстановы, якія атрымаюць ліцэнзію на правядзенне вакцынацыі прэпаратам CoronaVac кітайскай кампаніі Sinovac Biotech у рамках праграмы "Спецыяльны маршрут доступу". Пра гэта паведаміла ведамства ў сераду.
Гэтыя ўстановы будуць прывіваць грамадзян і пастаянных рэзідэнтаў Сінгапура, а таксама асоб, якія маюць дазвол на доўгатэрміновае знаходжанне ў краіне, гаворыцца ў прэс-рэлізе.
Ведамства паведаміла, што бясплатна прадаставіць вакцыны прыватным установам.
Першая партыя вакцыны CoronaVac, закупленай Сінгапурам, прыбыла ў краіну ў лютым. Міністэрства аховы здароўя раней заявіла, што прэпарат можа распаўсюджвацца ў Сінгапуры ў рамках "Спецыяльнага маршруту доступу" пасля ўхвалення для экстранага выкарыстання з боку СААЗ.