Канфлікт на поўначы Мазамбіка вымусіў 732 тыс. чалавек пакінуць свае дамы - ААН

Узброены канфлікт на поўначы Мазамбіка вымусіў больш за 732 тыс. чалавек пакінуць свае дамы, што стала адным з крызісаў з перамяшчэннем насельніцтва ў свеце, які хутка развіваецца. Пра гэта заявіла ў панядзелак Упраўленне ААН па каардынацыі гуманітарных пытанняў / УКГП /.

Паводле даных ААН, 30 %. перамешчаных асоб у Мазамбіку пакідалі свае дамы больш за адзін раз. Дадзеная сітуацыя спараджае сур'ёзныя гуманітарныя патрэбы ва ўсім рэгіёне, падкрэсліла УКГП.

Толькі ў 2020 годзе колькасць людзей, перамешчаных у выніку нападзенняў і гвалту ў Кабу-Дэлгаду, павялічылася амаль на 650 працэнтаў. Гуманітарныя арганізацыі пашырылі маштабы мер у адказ і аказалі дапамогу больш чым 700 тыс. чалавек за першыя пяць месяцаў 2021 года.

"Напад на Палму 24 сакавіка і наступныя сутыкненні па ўсім раёне вымусілі амаль 70 тыс. чалавек пакінуць свае дамы", - гаворыцца ў паведамленні УКГП. "Шмат каму даводзілася ісці на працягу некалькіх дзён, не маючы нічога, акрамя адзення на целе. Яны прыбывалі да месца прызначэння галоднымі, змучанымі, траўмаванымі і параненымі", - заявілі ў арганізацыі.

Многія пацярпелыя спрабуюць знайсці прытулак у Танзаніі, аднак улады суседняй краіны рэгулярна вяртаюць іх у Мазамбік, паведамляе УКГП. Паводле даных ААН, амаль 10 тыс. чалавек былі рэпатрыяваны з Танзаніі, прычым палова з іх - з мая гэтага года.

УКГП заявіла, што бягучыя гуманітарныя намаганні не адпавядаюць наяўным патрэбам з-за адсутнасьці бяспекі, праблем з доступам да дапамогі і недастатковага фінансавання.

Паводле даных УКГП, установы ў Мазамбіку атрымалі каля 11 працэнтаў ад 254 млн долараў ЗША, неабходных для аказання дапамогі і абароны 1,1 млн чалавек у правінцыях Кабу-Дэлгаду, Ньяса і Нампула.