Намеснік кіраўніка МЗС Ірана заклікаў бакі ядзернай здзелкі прыняць "цяжкае рашэнне"

Намеснік міністра замежных спраў Ірана і кіраўнік дэлегацыі на перамовах у Вене Абас Арагчы ў нядзелю заявіў, што для выратавання Сумеснага ўсеабдымнага плана дзеянняў /СУПД/ па іранскай ядзернай праграме Тэгеран прыняў цяжкае рашэнне, і зараз іншыя адпаведныя бакі павінны прыняць "цяжкае рашэнне".

А. Арагчы ў той дзень сустрэўся з членамі камісіі па нацыянальнай бяспецы і знешняй палітыцы іранскага парламента. У інтэрв'ю іранскім СМІ пасля сустрэчы ён сказаў, што, калі Злучаныя Штаты выйшлі з дамоўленасці, Іран прыняў "вялікае і цяжкае рашэнне" застацца ў ядзернай здзелцы.

Паводле яго слоў, бакі ядзернай здзелкі ўжо правялі шэсць раўндаў перамоваў аб аднаўленні захавання пагаднення паміж ЗША і Іранам, арганізаваўшы "ўсебаковыя абмеркаванні" па некаторых нявырашаных пытаннях, і перамовы зараз "амаль уступілі ў завяршальны этап". Надышоў час для іншых зацікаўленых бакоў прыняць "цяжкае рашэнне" на аснове праведзеных перамоваў.

Афіцыйны прадстаўнік МЗС Ірана Саід Хатыбзадэ ў суботу заявіў, што Іран па-ранейшаму лічыць, што перамовы могуць прывесці да кансенсусу. Ён таксама падкрэсліў, што Іран не будзе весці перамовы бясконца.