Кіраўнікі МЗС Ізраіля і Грэцыі абмеркавалі супрацоўніцтва і рэгіянальныя пытанні

Міністры замежных спраў Ізраіля і Грэцыі Яір Лапід і Нікас Дэндзіяс сустрэліся ў сераду ў Ізраілі і абмеркавалі рэгіянальныя пытанні, супрацоўніцтва ў сферы энергетыкі, а таксама двухбаковыя адносіны.

Я. Лапід заявіў, што таксама абмеркаваў з грэцкім калегам нядаўнія дзеянні Турцыі ў Варошы / квартал у горадзе Фамагуста на Кіпры /. Паводле яго слоў, бакі "выказалі глыбокую заклапочанасць з нагоды гэтых крокаў".

Н. Дэндзіяс стаў першым кіраўніком МЗС еўрапейскай краіны, які наведаў Ізраіль з кароткім візітам пасля фарміравання новага ўрада ў чэрвені.